BIANTARA PATURAY TINEUNG

Assalamu’alaikum Waroh Matullohi WabarokatuhBismilahirrahmanirrahim, Alhamdulilahirabbilalamin wabihinasta’in nualaumuridunniawadin wassolatuwassalamualaasrofil anbinya iwalmursalin waalaalihi wasohbihi ajmain amaba’du.

Bapa Kepala SMA Negeri 1 Parungkuda anu ku abdi dipihormat,

Ibu miwah Bapa guru anu dipihormat,

Para tamu uleman – sepuh siswa anu sami-sami linggih, rerencangan saangkatan sareng adi-adi kelas anu ku abdi dipikacinta.

            Langkung ti payun mangga urang sanggakeun puji sareng sukur ka Gusti nu maha agung Allah SWT., nu parantos maparin waktos ka urang sadayana dugi ka tiasa patepung lawung patepang wajah dina ieu acara. Teu hilap mugia solawat sareng salam urang sanggakeun ka panutan alam Nabi Muhammad Solallohu alaihi wassalam.

            Sateuacan neraskeun ieu sasanggeum, hatur nuhun ka panata acara anu parantos maparin kapercantenan ka abdi kanggo ngawawar ieu biantara.

Parawargi anu dipihormat,

            Teu karaos atos 3 tilu taun  abdi sareng rerencangan diwulang ku Bapa miwah Ibu, dididik ku rasa asih rupining pangarti, parantos tiasa jadi putra putri anu tanggung jawab dina ngemban pangaweruh tur tiasa ngawelas asih ka sasama. Hatur nuhun ka Bapa sareng Ibu guru anu parantos ngawulang, ngadidik abdi sadaya tur tiasa ngajalankeun amanah ngabangun rasa welas asih dina ngatik elmu pangaweruh. Mugia amal kasaean Ibu sareng Bapa guru dibales ku Nu Maha Kawasa ku mangrebu-rebu kasean di dunya sareng di aherat. Amin Ya Allah Ya Rabbal Alamin.

            Bapa, Ibu abdi sadaya amit mungkur. Hatur nuhun ka sadayana anu tos Bapa sareng Ibu wulang, abdi sadaya neda rido galihna ti Ibu sareng Bapa kersa ngajajapkeun abdi sadaya ku pangjurung nu pang manjurna nyaeta do’a dina ngahontal cita-cita.

            Teu kakantun, ka pun biang sareng pun rama anu tos nyapaatkeun sareatna dina ngahontal cita-cita ngatik pangaweruh tur jadi elmu anu tiasa mangpaat ka nu janten putrana.

            Ka rerencangan anu dipikacinta, urang sadayana bakal papisah ngatik elmu pangaweruh, ngahontal cita-cita teh geuningan teu babarengan deui. Hatur nuhun tos ngajarkeun sagalana, hayu urang atik pangaweruh sareng ngahontal cita-cita ku rasa sumanget. Mugia urang sadayana tiasa kararempel deui babarengan.

Cantigi di alun-alun

dicacar dapuranana

muga agung cukup lumur

neda jembar hampurana

Sakitu nu kapihatur, Billahi taufik wal hidayah

Wassalamu'alaikum Waroh Matullohi Wabarokatuh